JINGÏASENG SAMLA HYNÑIEW PRESBYTERY SHILLONG

Nongstoiñ, Rambrai, Ri-Lyngngam, Nongkhlaw, Nongpyndeng, Tynghor & Umsaw

Motto: "To beh sha pyrshah ka thong"

PRESBYTERIAN CHURCH OF INDIA

KA JINGSDANG JONG KA JINGÏASENG SAMLA

Ha kaba nyngkong nyngshap eh ngi ai ka burom bad ka jignnguh ïa U Blei ba im, U Tria ka Balang u Trai ka Balang, U trai ka kam. Baroh ki dkhot jong ka Jingïaseng Samla Hynñiew Presbytery Shillong ngi long

Ka jinkylli kaba mih nyngkong eh ha ngi shwa ban sdang ïa kane ka Jingïaseng Samla hangne ha Shillong ka long- kumno ban sdang bad ha kano ka rukom ngin ban pynurlong ïa kane ka jingthmu? Kalong ka jingkylli kaba eh ban Jubab.

Hadien ban ga la dep iathoh bad I Miss. Amelia Laloo na ka Balang Presbyterian Jaiw haka snem 1986, nga la ioh kam noh hangne ha Shillong ha ka snem 1987. Haba nga la sah hangne ha Shillong nga ïa syllok paralok hi kumno ban iarap ïa ki parasamla kiba wan pule hangne ha sor, ba kin lait na ki jingsniew ba bun jait bad kumjuh ruh na ki jingshah ialam bakla ha ka jingngeit. Ine I rukom pyrkhat I long tang kum I philiah barit eh iba don ha ka dohnud hong ngi ha kito kipor.

Ha kito ki snem 1980-1990, kadon ka jingpynkhih kaba jur shaphang ka rukom pynbaptis bad don ruh shipun ki khun jong ki Balang bap her bapher kiba mih noh na ki Balang ha kaba kila leit pyn iasoh noh sha ki kynhun iasyllok kiba mih hangne ha Shillong kawei hadin kawei pat.

KA JINGSNGEW LONG NONGKYNDONG JONG NGI KI KHUN SAMLA

Kane ka jingsngew long nongkyndong ïa lade ka jur bha hapdeng ki khun Samla na nong kyndong khamtam eh kito kiba dang wan pule nyngkong hangne ha sor Shillong. Ki jingshem jingeh ban leit Jingïaseng lane kumno ban pyniasoh ïa lade bad ki Jingïaseng Samla ki ba don ha ki Balang bapher bapher hangne ha sor Shillong wat ban leit bam sacrament ruh ki lehrain. Ki don artylli ki jingmih na kane ka jinglong:

Ka pynlong ïa ki Samla ba ha ka sngi UBlei (Sunday) ka kylla long ka sngi ban leit kai sngewbha bad ki paralok sha ki jaka iaid kai pyngngad kiba don hangne ha Shillong. Ha kane ka rukom suki suki ki ngam ha ki jingsngew bha pyrthei bad ki klet noh ïa U Blei.
Don bun ki para Samla ki bym sngewnud ban leit Jingïaseng sha ki Ïingmane kiba heh bad itynnad jong ki Balang sor namar ba ki lehrain ïa ka riam ka beit la jong haba ïanujor bad ki parabangeit kiba riam bha riam miat ha ka sngi U Trai. Kumta lyngba ki paralok bunsien ki ju leit Bible study ha ki jaka bym da tip bha bad hangne bunsin ki shah ïalam bakla noh. Wat haduh kine kisngi ruh ngi dei ban da husiar bha ïalade ngi shah pynthame ha kiba bun ki liang jong ka jinglong bad ka jingim khristian lyngba ki jinghikai bad rukom kiba pher.

U MAWJAM U BA NYNGKONG:

Naduh ka snem 1988 ngi la ju im jingmut kumno ban pynlong kam ïa kane ka rukom pyrkhat ban lumlang ïa ki para Samla kiba dei ki khun ka Balang presbyterian na ki thain Nongstoiñ ban ioh pynlong Jingïaseng lang shisin shitaiew. Ngi la ju ïa kren paralok hi na ka por sha ka por bad kane ka ding ka la sdang ban pur suki suki na I wei sha iwei pat. Bunsien ka wan ka jingsngew thait sngew lwait haba ym don dak ei ei kaba ai jingkyrmen namar ba ki Samla pule ki leit bad ki wan na ka snem sha ka snem. Ainguh pat ïa U Blei ba ine I phliah ding barit im shym la lip noh.

Dei ha ka snem 1992-1993 ba U Blei u la sei ïa kikhun Samla kiba shitrhem ban trei ïa ka kam U jong kynrad kiba wan pule ha Shillong ngi la ioh ban iashong pyrkhat shaphang kane ka kam ha iing jong ngi ha St. Joseph Jaiaw. Ngi don Hakata ka janmiet 3 ngut –

Mr. N.S Nongrem
Mr. T.T Diengdoh
Mr. R.G Syiemlieh

Ka jingiapyrkhat jong ngi ha kata ka por kalong khlem jingthoh, khlem buh jingkynmaw, khlem bor bad khlem itiar. Ngi la iakut jingmut ban sdang beit ïa ka lynti wat la ka long kaba eh. Ngi la khot ïa ki paralok Samla ban ïa kynduh katto katne shi sien ha ing jong ngi kat kiba ngi lah ban iawer. Ha kaba khatduh ngi la ïa pynbeit lang ban ïa kynduh ha iing jong ngi , ( mr. N.S. Nongrem) ha ka 20th November 1993, kane ka dei tang ka jing ïa pynbeit ktien para mangi .

U MAWJAM U BA AR:

Ka jingbuh jingthoh ha ka proceeding register la thoh kumne- “Ka jingialang kaba nygkongeh jong ki Samla na ki thain Nongstoiñ baroh kawei na ka jingthmu ban pynlong Jingïaseng jongki saml;a kiba don hangne ha Shillong, ka ba la shong ha ka 20th November 1993 ha ing jong I Mr. N.S. Nongrem ka la pyndep ïa kine ki kam harum:- Ki Samla kiba la poi ha kane ka jingialang ki long:-

Mr. N.S. Nongrem
Mr. T.T Diengdoh
Mr. D.S Lyngdoh
Mr. R.G Syiemlieh
Mr. P.L nongrang
Mr. N. Diengdoh
Mr. L.G. Nongsiej

La pyniaid is kane ka jingialang da I Mr. N.S. Nongrem. Namr baka dei ka sien kaba nyngkong eh ban sdang ïa ka kam, la sngew dei ban jied ïa kine jindonkam harum:

Chief Organiser: – Mr. N. S . Nongrem
Recording Secretary: – Mr. T. T Diengdoh

Ki organiser na ka bynta ban khot bad iawer ïa ki Samla kiba dei na ki khun ka Balang presbyterian kiba hap hapoh ki presbytery ba ki don:-

Nongstoiñ Presbytery :-
- Mr. R.G .Syiemlieh
- Mr. shimborlin
- Mr. John Robert Changreads
Rambrai presbytery :-
- Miss. Bethelda Lyngkhoi
- Mr. Grassland
Ri-Lyngngam Presbytey :-
- Miss. Blancynora Nongsiang
- Mr. G.T.C. Marwein

Ngim tip kumno ngin sdang ban pynlong Jingïaseng hynrei da ka jingialam bastad jong U Blei ngi la ioh ka jingshai ban gin sdang ïa kane ka Jingïaseng lyngba ki Jingïaseng iing ha ingsah jong ki para Samla bad ki iing jong kaiba la don la ka ingka sem ruh kumjuh kiba dei na ka thain Nongstoiñ, Rambrai bad Ri-Lyngngam. Ha kane ka jingialang, ngi la ialut ban sdang nonh ïa ki Jingïaseng ha ka 5th December 1993 ha ing jong I Mr. N.S. Nongrem ha Jaiaw St. Joshep.

KA JINGIALANG KABA AR:

Ka jingialang kaba ar ka long ha ing jong I Mr. N.S. Nongrem ha ka 28th November 1993, por 4 p.m. ki dkhot kiba iawan ha katei ka sngi kilongkmne harum :-

Mr. B.D. Marwein
Mr. N.S. Nongrem
Mr. Apsharailang Syiem
Mr. Playmingstone Byrsat
Mr. Shimborlin Puwein
Mr. Letstanding Puwein
Mr. Trusman Wahlang
Mr. Goldenstar Syiemlieh
Mr.Copperfiled Lyngdoh
Mr. L.G. Nongsiej
Mr. Stingdrowell Lyngkhoi
Miss. Mandalin Lyngdoh
Miss.Phyrnia Nongsie
Mr. Ayub Rani
Mr. Thanlijoy Diengdoh

La pyniad ïa kane ka Jingïaseng da u chief Organiser Mr. N.S Nongrem ha kaba u l apdiang sngew bha ruh ïa baroh ki bala wan sha katei ka jingialang. Ha kane ka jingialang, la shim ruh ïa ka rai kiba donkam kumne harum:-

Da ka wei ka jigng mut la ïa mynjur ba ka kyrteng jong kane ka Jingïaseng Samla ka long “ Nongstoiñ Christian Youth Organisation”(N.C.Y.O).
Dei ruh ha kane ka jingialang bala shim ïa ka rai ban jied noh ïa ki nongkitkam jong kane ka Jingïaseng Samla kine harum ki long ki nongkitkam ba nygkong eh jong ka Jingïaseng Samla:-

Chairman: – Mr. B. D. Marwein
Vice-Chairman: – Mr. L. G. Nongsiej
General Secretary: – Mr. N.S. Nongrum
Joint Secretay: – Mr. T. T. Diengdoh & Mr. Trusman Wahlang
Finance Secretary: – Mr. R. G. Syiemlieh
Treasure: – Mr. Stingdrowell Lyngkhoi
Singing Secretary: – Mr. T. T. Diengdoh
Statistic Secretary: – Mr. P. Byrsat
Adviser: – Rev. B.C Lyngdoh & Rev. P. Dkhar

"TO BEH SHA PYRSHAH KA THONG"

Ki snem 1993 haduh 2000 ki dei ki snem kiba eh bha kaba ki khun samla ki wan pule hangne ha Shillong na ka thaiñ Nongstoiñ ki don ka jingangnud kumno ban im ka jingim kaba tipbriew tipblei. Kum ki khynnah pule ki don tang 2 tylli ki thong kiba kongsan eh bad kita ki long - kaba nyngkong eh ka long ban long ki nongjop ha ka jingpule. Ka jingangnud bad ka jingthmu kaba ha khmat eh (Aims and Objectives) jong ki haba ki wan pule ha Shillong ka long ba ki dei ban poi sha ka thong ban ioh ia ka kyrdan ka jingnang jingstad bad ka jingjop kaba don burom. Ka thong kaba ar ka dei ka jingim tipbriew tipblei. Kum ki samla khristan ki don ka jingangnud bad ka jingkut jingmut ban im ka jingim kaba iadei dur bad ka mon ka jong U Blei. Ka Motto jong ka Jingiaseng Samla "To beh sha Pyrshah ka thong" (Phillipi 3:14) ha ka jingim bad jinglong mynsiem kum ki khristan ngi don ka jingangnud ban poi sha ka thong bad kata ka thong ka long ban ioh ia ka jingpynim kaba dei ka jingim bymjukut. Ban poi sha kane ka thong ka long ba ngi dei ban beh lane ban phet sha pyrshah ka dak ban ioh ia ka jingiathong kaba long ka jingkhot shaneng ka jong U Blei ha U Khrist Jisu. Kum ki nongmareh thong ngim lah khlem da ia kynduh ia ki jingeh (Challenges) jong ka jingim wat ha ka jingshakri Blei bad aiti ia lade ha ka kam U Kynrad. Ha kaba nyngkong lehse bun na ki kmie ki kpa, ki Balang, ki District bad ki Presbytery ki don ka jingartatien ia la ki jong ki Khun Samla ba ka jingwan ia snoh kti, jong ki bad kane ka seng kaba rit shano kan thew namar ki sngew sheptieng ba ioh ki shah ialam bakla noh ha ka nongrim jong ka jingngeit bad ka jingshakri Blei. Ka jingshisha pat ka long ba ka Jingiaseng Samla naduh ba sdang ia ka, ka ieng halor ka nongrim kaba skhem ba kane ka Jingiaseng Samla ka dei ban don hapoh ka shatri bad thapniang jong ki Presbytery kiba don hangthie ha thain Nongstoin baroh kawei. Ngi da thrang dik-dik ba ki Presbytery kin kdup ieit ia ngi ki khun samla kiba don hapdeng ki diengshiah jong ka pyrthei bad kumjuh ruh don shibun ki suri kup snieh langbrot kiba kwah ban khring sha ki rukom hikai ba bun jait kiba lah ban ialam bakla wat ha ka jingshakri Blei. Dei na kine ki daw ba ka Jingiaseng Samla naduh u snem 1993 haduh 2000 ngi iai angnud ban ithuh noh ia ka da ki lai tylli ki Presbytery- Nongstoin, Rambrai bad Ri Lyngngam Presbytery kiba na ka thain Nongstoin khnang ba wat la ngi don hangne ha sor Shillong ngin sngew kum ha la ka jong ka Balang bad ba ngin lait na kiwei pat ki jinghikai kiba lah ban ialam bakla ia ngi ki samla.

Ngi sngewnguh eh ia kine ki presbytery ba hadien ka jingkyrpad jong ka Jingiaseng Samla, ki la lah ban ithuh (recognise) ia ka Jingiaseng Samla naduh u snem 2000. Ngi ainguh eh ia U Blei ba U la ialam beit ha ka lynti kaba ngi dei ba iaid kum ki khun jong ka Balang Presbyterian ban shakri ia U Khrist bad ka Balang. Ngi pynpaw ruh ka jingsngewnguh ia ki samla kiba la trei shitom ban rah ia ka burom ka jong U Blei lyngba kane ka Jingiaseng Samla. Wat hapdeng ka jingbunkam jong ki ha ki jingpule hynrei kim ju klet ban shakri ia U Blei. Kumta, ynda ka jingpule jong ki ka la kut, ki leit phai sha la ki shnong ki thaw bad ki Balang da ka jingjop bad ki da rah la ki jong ki song ki ban myntoi ia ka Balang kaba ki don bad ka imlang sahlang. Don shibun ki nongialam bad ki dkhot jong ka Jingiaseng Samla ynda ki la pyndep ia ka jingpule jong ki, ki la kylla long ki nongialam bad ki nongsharai ha ki Balang ba ki don, namar ba U Blei U la kyrkhu eh ia ki ha ka jingim jong ki. Kane ka jingthoh ia ka jingsdang jong ka Jingiaseng Samla ka long kaba jrong bad kaba kham bniah hynrei ym sngew lah kiar kumno ba ngi trei kam ha kito ki por ban saindur ia kane ka Jingiaseng Samla. Wat la katta ruh lada kum iehnoh ia ka kyrteng jongno jongno kiba la iadon kti bha bad kiba la trei shitom met bad mynsiem ngi kyrpad ban ym sngew eiei namar ba ngi tip ba ia ka kyrteng jong phi la thoh ha ka Kitab ka Jingim ha Bneng.

"Symbai bha ba ngi bytep La ha dum ne ha shai kim sep Bad jingkmen kin ai khlem pep Katba ki sngi ki nang iaid"

Nga ai khublei kitbok kitrwiang ïa ki khun Samla baroh ba kin nang kiew shaphrang haka jingpule ban ban nang aiti shuh shuh met bad mynsiem ban shakri ïa U Khrist bad ka Balang khnang ban gin ioh ïa ka thong kaba long ka jingpynim jong U Trai jong ngi U Jisu Khrist.

KA HISTORY JONG KA JINGIASENG SAMLA HYNNIEW PRESBYTERY (J.S.H.P) SHILLONG

Nyngkong eh nga pynpaw ka jingsngewnguh kaba khraw ïa u Blei ba U ïai don ryngkat bad ngi ka Jingïaseng Samla ha ki por baroh, bad nga ai khublei ïa phi baroh ha ka kyrteng kaba thiang tam jong u Trai Nongpynim jong ngi u Jisu Khrist.

Ka Jingïaseng Samla Hynñiew Presbytery ka kynthup ïa ki samla, ki hep ki barit bad ki longkmie, ki longkpa kiba na kitei ki hynñiew tylli ki Presbytery kiba shong ba sah hangne ha sor Shillong. Ha shuwa jong u snem 1993, ka ju long ka rukom ba ki samla kiba dei na ki thaiñ kiba hap hapoh ki Hynñiew tylli ki ki Presbytery kiba mynta ba kin don ka mynsiem ban sngewnongwei ban leit sha ki Jingïaseng ha ki Balang hangne ha Sor Shillong ha ki sngi u Blei. Kumta, ka pynlong ïa ki ban byrñia ha kiwei kiwei ki kam ha ki janmiet sngi U Trai, kum ka jingleit shangkai sha ki jaka iew bad kiwei kiwei ki jaka kiba ïalam ïa ki sha shibun ki jingpynshoi, bad ba kin jngai na U Blei. Kumta, da ka jingïohi jngai jong ki katto katne ki rangbah bad ki samla, ki la seng ïa kane ka Jingïaseng Samla, bad ban pynlong Jingïaseng manla ka janmiet Sngi U Trai. Lyngba kane ka Jingïaseng Samla, ka pynïakynduh lang ïa ki samla na ki thañ hapoh ki hynñiew tylli ki Presbytery kiba mynta, ba kin ïoh ban ïatei ïa ka jinglong ba kynja mynsiem bad ban ioh ruh shibun ki jinghikai na ka ktien bakhuid ka jong U Blei. Ka long ruh kum kawei na ki rynsan ba kin nang kumno ban pule ïa ka ktien U Blei, ban duwai, bad ban sam ïa ka ktien jong U Blei bad pynshlur ïa ki kumno ban shakri ïa ka kam u kynrad ha kiba bun ki bynta.

KA JINGÏALANG KABA NYNGKONG EH:

Ka jingïalang kaba nyngkong eh jong ki samla na ki thaiñ Nongstoiñ baroh kawei na ka bynta ka jingthmu ban pynlong ïa ka Jingïaseng jong ki samla kiba don hangne ha Shillong ka long ha ka 20th November, 1993.

Ha kane ka jingïalang la jied:

Chief Organiser: – Mr. N. S . Nongrem
Recording Secretary: – Mr. T. T Diengdoh

Ki Dkhot kiba don lang ha kane ka sngi ki kynthup:

Mr. N. S Nongrem
Mr. Thanlijoy Diengdoh
Mr. P. S. Lyngdoh
Mr. R. G. Syiemlieh
Mr. P. L. Nongrang
Mr. N. Diengdoh
Mr. L. G Nongsiej

La tyrwa ïa kine ki kyrteng na ka bynta kane ka seng:

Nongstoiñ Christian Youth Organisation (N.C.Y.O) Shillong
Western Christian Youth Organisation (W.C.Y.O)

La jied ïa kine ki organiser harum:

Nongstoiñ Presbytery: – Mr. L.G.Nongsiej, Mr. R.G. Syiem, Shimbarlin bad John Robert
Rambrai Presbytery: – Bethelda L.Lyngkhoi bad Grassland
Ri-Lyngngam Presbytery: – BBlancynora Nongsiang, J.C. Marweiñ

Ha kane ka jingïalang la jingmut ruh ban sdang noh ïa kane ka jingïaseng ha ka 5th December, 1993 ha ïing jong I Mr. N.S. Nongrem ha Jaïaw St. Joseph.

Ha ka jingïalang kaba ar ba lang pynlong ha ka 28th November 1993, hadien ka jingïapyrkhat sani bha la rai ba ïa ka kyrteng jong kane ka seng jong ki samla jong ka thain Nongstoiñ yn jer kyrteng ka “Nongstoiñ Christian Youth Organisation (N.C.Y.O)” bad ïa ki Jingïaseng la ïakut ban pynlong beit shuwa ha ki ïing sah jong ki para samla.

La jied ruh ïa ki nongkitkam kiba nyngkong eh jong eh jong ka seng kumne harum:

Chairman: – Mr. B.D. Marweiñ
Vice- Chairman: – Mr. L.G. Nongsiej
General Secretary: – Mr. N.S. Nongrem
Joint Secretary: – Mr. T. T. Diengdoh & Mr. Trusman Wahlang
Finance Secretary: – Mr. R. G. Syiemlieh
Treasurer: – Mr. Stingdrowell Lyngkhoi
Singing Secretary: – Mr. T. T. Diengdoh
Statistic Secretary : – Mr. P. Byrsat
Adviser: – Rev. B. C. Lyngdoh & Rev.P. Dkhar

Ka Jingïaseng kaba nyngkong eh la pynlong ha ka 5th December, 1993 ha ïing sah jong I Mr. N. S. Nongrem ha Jaïaw St Joseph, bad ka Programme ka long kumne:

Pule bad duwai: – Miss Phyrnai Nongsiejm
Nongkren: – Tbn. S. Syiem

Ka jingtrei U Mynsiem Bakhuid ka pynkynduh ïa ka jingshem mynsiem kaba thymmai ha ki khun samla. Bad ka pynlong ïa ki nongkitkam bad baroh ki organiser ba kin trei shitrhem ha ka jingshakri ïa U Blei lyngba ka Jingïaseng Samla da kaba ki ïawer paralok hi ba kin ïa wan sha ki jingïaseng ha ki janmiet Sngi U Trai ha ka jaka ba kin pynlut ïa ka por jong sha ki jingsngewbha jong kane ka Pyrthei. Kumta ka pynlong ïa kane ka Jingïaseng Samla kaba seisoh.

Khnang ba ka jingtreikam jong ka Jingïaseng Samla kan long kaba beit kaba ïadei katkum ka riti pynïaid jong ka Balang Presbyterian ha Ri India, ka Committee kaba la pynlong ha ka 15th December 1993 ka la ïakut ban draft noh ïa ka Constitution jong ka seng, bad la thung da ka Sub-Committee ba kynthup ïa kine ki rangbah ban leh ïa kaba donkam:

Chairman
General Secretary
Rev. P. Dkhar

Ha ka Committee ba la pynlong ha ka 1st May, 1994 la ïakut ban pyntip noh sha ki lai Presbytery Nongstoiñ, Rambrai bad Ri-Lyngngam Presbytery ïa ka jingdon jong ka seng Nonstoiñ Christian Youth Organisation (N.C.Y.O) ha Shillong. Namar ka Jingïaseng Samla ka lang nang ïaid shaphrang bad ka jingkhapniah ban pynlong Jingïaseng ha ka ïing sah, la ai jingmut ruh ban pan jaka ban pynlong ïa ki Jingïaseng ha Synod College, bad dei naduh ka 15th May 1994 ba ïa ki Jingïaseng la ïoh ban pynlong ha Synod College.

>Ka Re-Orgsnisation Committee ba la pynlong ha ka 17th August 1994 ka pynkylla noh ïa ka kyrteng Nongstoiñ Christian Youth Organisation (N.C.Y.O) sha ka Jingïaseng Samla Lai Presbytery (Nongstoiñ, Rambrai bad Ri- Lyngngam Presbytery) bad la thung ruh artylli ki Sub-Committee – (a) Executive Committee, bad (b) Singing Committee. La ïakut ban pynlong ïa ka Social Meet kaba nyngkong eh ha 5th November, 1994 ha ryngkat ka jingïadon lang kiba wan mih khmat na baroh lai tylli ki Presbytery, kata ki Moderator bad Secretary jong baroh lai tylli ki Presbytery, ki Chairman/Chairperson bad Secretary jong ki Jingïaseng Samla bad Jingïaseng Khynthei jong baroh lai tylli ki Presbytery, Chairman bad Secretary jong ka Jingïaseng Samla Synod bad I Principal jong ka Synod College.

Ka General Meeting ba la pynlong ha ka 26th October, 1994 ka la jied ïa I Chairman, Secretary bad I Rev. P. Dkhar ban jied noh ia ka motto jong ka Jingïaseng Samla.

Ha ka Executive Committee ba la pynlong ha ka 15th July, 1995 la pynskhem ba ka Motto jong ka Jingïaseng Samla kan long “To Beh Sha Pyrshah Ka Thong” ba la pynshong Nongrim na Philipi 3:14. Kumjuhruh la pule ïa ka draft ka rukom pynïaid kam (Constitution) jong ka Jingïaseng Samla ba la pynkhreh da ka Sub-Committee, bad la mynjur ryngkat katto katne ki jingpynbeit. Hadien kata, la rah ïa ka sha ka General Committee ban ïoh ïa ka jingmynjur. Ha ka Executive Committee ba la shong ha ka 9th November, 1995 la ïakut ruh ban phah copy ïa kane ka Constitution jong ka Jingïaseng Samla sha baroh lai tylli ki Presbytery.

Ka General Meeting ba la pynlong ha ka 17th September, 1995 ha Synod College ka la pynmih ïa ki appeal na ka bynta ki para samla kiba don hangne ha sor Shillong ban pyntip sha ki ba ka Jingïaseng Samla Lai Presbytery (J.S.L.P) Shillong ka ju pynlong ïa ki jingïaseng man ka janmiet Sngi u Trai ha ka por 3:30 janmiet ha ki por synrai bad tlang bad 4:00 janmeit ha ki por pynrem bad lyiur. La ïakut ruh ban thoh sha baroh lai tylli ki Presbytery,Nongstoiñ, Rambrai bad Ri-Lyngngam ban ïthuh noh ïa ka Jingïaseng Samla bad ban shimti noh ïa ka jingkitkhlieh khnang ba ka Jingïaseng Samla kan nang kham shit kham shngaiñ, bad ba ki Presbytery kin sngewkhia ban trei hapdeng ki samla kiba wan pule hangne ha sor Shillong.

Khnang ba ki para samla na ki thaiñ jong ki lai tylli ki Presbytery kin tip shaphang ka jingdon jong ka Jingïaseng Samla, bad ba kin wan ban ïasnoh bad ka Jingïaseng Samla, ka Executive Committee ba la shong ha ka 21st June, 1996 ha Synod Office la ïakut ban don noh ki House Visiting Group na ka bynta ban leit ïa kynduh ïa ki para samla bad ki para bangeit na ki lai Presbytery kiba pule bad ba shong ba sah ha Shillong. Ki Group Leader ha ki jaka bapher bapher ki long kumne harum:

Thaiñ Mawprem: – Mr. D. W. Puweiñ, Mr. P. Syiemiong bad I Mr. J. R. Shangrit
Thaiñ Jaiaw & Mawkhar: – Mr. B. Mawsor, Mr. B.D. Marweiñ bad Mr. N. S. Nongrem
Thaiñ Mawlai : – Mr. D. W. Puweiñ, Mr. S. Lyngkhoi bad I Mr. P. Nongphud
Thaiñ Laitumkhrah : – Rev. P. Dkhar, Mr. O. S. Lyngkhoi bad Mr. T. T. Diengdoh
THa ki School bad College : – Mr. C. P. Byrsat, Mr. Spainmanik Lyngdoh, Mr. Asharailang Syiem, Miss. Sweety Marbaniang bad Miss B. Byrsat.

Hadien ba la kha shuh shuh sa 4 tylli ki Presbytery na kine ki Lai tylli, ïa ka kyrteng jong ka Jingïaseng Samla ruh la pynkylla noh sha ka Jingïaseng Samla Hynñiew Presbytery (J.S.H.P.) Shillong, ha ka General Committee kaba la pynlong ha ka 4th November, 2002. Ha kane ka General Meeting la ïakut ruh ban ai sacrament man la ki Quarter katkum ka list jong ki Presbytery. Bad ngi sngew ban ainguh ïa u Blei, bad ban ai khublei ïa ki hynñiew tylli ki Presbytery namar ka jingkitkhlieh jong ki ban pynbiang ïa ka jingwan ai Sacrament ha ki Quarter ba ki dei ban wan ai man la ka snem, haduh mynta. Kumta ka pynlong ia ngi ki samla ban ïoh ïashim bynta ha ka Sacrament ka Jingkhawai U Trai wat lada ngim ïoh ka lad ban leit sha ki Balang kiba ngi don.

KA JINGÏTHUH ÏA KA JINGÏASENG SAMLA NA KI PRESBYTERY:

Ha ka 22nd November, 1996, ka Jingïaseng Samla Lai Presbytery ka la phah ïa ka shithi ka jingkyrpad ban ïthuh noh ïa ka da ki Lai Presbytery, kata ka Nongstoin, Rambrai bad Ri-Lyngngam Presbytery bad lyngba ka Joint Committee jong kine ki Lai tylli ki Presbytery kaba la pynlong ha u snem1997, ka la phah ïa ka Recommendation Letter sha kine ki Presbytery ban ïthuh noh ïa ka Jingïaseng Samla Lai Presbytery. Dei ha u snem 2000 ba la ïoh jingïthuh lut na baroh ki lai tylli ki Presbytery ïa ka Jingïaseng Samla Lai Presbytery (J.S.L.P.), bad ki la ai ka jingkyrkhu kyrdoh ïa ka Jingïaseng Samla ha ryngkat ka jingwan jngoh jong ki Pastor na baroh ki Presbytery.

Hadien ba ka Nongstoiñ bad ka Rambrai ki la phiah Presbytery, kumta kila mih 7 tylli ki Presbytery bad ïa ka kyrteng jong ka Jingïaseng Samla ruh la pynkylla noh sha ka Jingïaseng Samla Hynñiew Presbytery (J.S.H.P.) Shillong ha ka General Committee kaba la pynlong ha ka 4th November, 2002. Ha kane ka General Meeting la ïakut ruh ban pan ïa ka jingïthuh (recognition) na baroh hynñiew tylli ki Presbytery. La ïakut ruh ban kyrpad ïa baroh ki Hynñiew Presbytery ba kin sngewbha ban pynbna paidbah ha ki Presbytery, District bad ki Balang ïa kane ka Jingïaseng Samla Hynñiew Presbytery (Nongstoiñ, Rambrai, Ri-Lyngngam, Nongklaw, Nongpyndeng, Tynghor bad Umsaw Presbytery) Shillong bad ban kyntu ïa ki khun jong ki kiba sah ha Shillong ba kin wan sha ki JIngïaseng Samla ba ju pynlong da ka Jingïaseng Samla.

Ka Executive Committee ba la shong ha ka 19th October 2003 ka la rai ban rakhe ïa ka jingdap 10 snem ka Jingïaseng Samla ha ka 23rd November, 2003, kaba dei ruh ka sngi ba pynlong ïa ka Social Meet. Ha kane ka jingrakhe jingdap 10 snem, la ïa don ryngkat ki rangbah, ki longkmie bad ki samla kiba wan mih khmat na baroh ki Hynñiew tylli ki Presbytery ryngkat ki kyntien kyrkhu kyrdoh na ki.

Gallery